Felice Volturno, poeta della civiltà contadina

La funtana di  zì ‘Ndonio Cipuddrina
Abbascia  a lu cutrazzu  tinemmu  na’  funtana,
ohh !… ‘che  acqua: chiara, frescha  e ‘bbona;
tutti… si li minevunu  a ‘ppiglià,
e  tatillu  nun  tineva  lu curaggiu  di cilà nià

Ci minevunu cu lu ciciunu, cu lu catu e cu lu varrile,
li ‘ffigliole giuvene, cantavunu e facevunu  la  fila.
Mineva Buschino,Pucinu, Varrecchia , Terrachiana,
e  puru  cocchid’unu  di lu chianu.

Vidivi minì laggende a tutte l’ore,
armate, di cati, di secchie e striculatore,
lavavunu,.. sciacquavunu,…  e cantavunu,…
e  po’,.. ‘ncopp’alì  ruve  l’assucavunu.

Che bèlli tiempi!… che ‘bbita spinsarata…
cu  nu  tuozzu di pane e na’ vacila d’insalata.
Tutt’appassatu  com’anu  suonnu,
e queddre ‘ffigliole,..  mo so tutte nonne…

Nu ricordu  di queddra  funtana  ma’rrumastu,
  na  figliola assai bella  e  ‘ntista
m’appizzicavu ‘nfacce  com  ‘nu  sigillo,
ancora mi lu sentu quiddru  vasu  appizzichillu.”

La cantina di ” Aitana Mangiamevu “
Steva justu mmiezz’ alu chianu
tra Culomba lu Zuoppu e Tripulinu
era n’a cantina senza frasca
vinneva vinu buonu e ssempe frishcu.
La cantina a tiempu di tatone
era lu spassu di lu cafone,
mineva da fore..endò jeva..?
ala cantina di Mangiamevu.
Nda na sacca di giacchetta nuc’eppane
dind’ nata sausicchi e cicidicane,
traseva nsènsu dirittu com’ana culonna
quann’asceva mbriacu jeva facennu l’onna.

Li megliu vivituri jevunu a Mangiamevu
Scjiscione,Virillu,Calandrella, Peppu di Mevu,
jucavunu si purtavun’aulumu e si sfuttevunu
mamma mia quandu vinu si vivevunu.
Pur’attatillo li piaceva lu vinu
e ogni tanto jeva a la cantina
quann’ asceva padrone era viloce
puru lu sotta si faceva la croce.
La buttiglia faceva li caluoppe
e li squicci zumpavunu senza ntuoppe
jevunu p’nganna e puru mpiettu
allurcia la cammisa e la giacchetta.

comma’ “AITANA”
cu na unneddra longa e n’a cammicetta spampanata
mmishcava acqua e bbinu quannu s’ern’ mbriacati
a lu figliu ‘Ndonio lu chiamavanu carnera
semp’andà la stess’acqua lavava li bicchiere.
A quiddri tiempi lu vinu piaceva a tutti quande
puru lu cicciu si firmava p’ddrannande
aspettava lu padrone e po si faceva sende
e tutt’dduje partevunu cundende.
Mò ‘ncistà cchhiù ciucce e mancu carru
a posto di la cantina ci sta lu barru,
vivunu aranciata coca cola e birruncinu,
ma che ci fai di sta vita senza vinu?.